طريقة عمل البشاميل .. 5 وصفات مختلفة ولذيذه لطرق عمل البشاميل
المكرونة بالبشاميل هي واحدة من الأطباق الشهية التي تجمع بين النكهات الغنية والقوام الكريمي. تحظى بشعبية كبيرة في العديد من الدول العربية، وخاصة في مصر. تتميز هذه الوصفة بإمكانية تحضيرها بطرق متنوعة، مما يجعلها مناسبة لمختلف الأذواق والمناسبات. تعتبر المكرونة بالبشاميل من الأطباق المريحة والشهية التي يمكن تحضيرها بطرق متنوعة. تتميز بقدرتها على إرضاء مختلف الأذواق، مما يجعلها خيارًا مثاليًا للعائلات وللأوقات الخاصة. استمتع بإعداد هذا الطبق وابتكر وصفات جديدة تناسب ذوقك
مكرونه بالبشاميل اقتصاديه بدون لحوم .. مكرونة بشاميل سادة
المقادير
- 400 جم مكرونه (كيس)
- البشاميل
- ٣ كوب حليب
- كوب شوربه
- كوب من ماء سلق المكرونه
- نص م ص فلفل اسود
- م ص ملح
- ٢ قطعه جبنه مثلثات
- م ك قشطه
- كوب من الدقيق
الحشوه
- ٢ بصله
- ٢ فلفل
- ١ طماطم متوسطه
- البهارات
- م ص كمون
- رشه فلفل اسود
- م ص بابريكا
- م ص ملح
- م ص بهارات مشويات
- رشه سكر
- م ص بهارات لحمه او كفته
- موتزريلا(اختيارى)
طريقه تحضير مكرونة بشاميل اقتصادية
- فى حله على النار نغلى الميه ونحط نص معلقه ملح ونحط المكرونه تتسلق تلت تربع سلقه ونصفيها وفى الخلاط نضيف البن والصوره والدقيق وماء السلق ومعلمات الجبنه ومعلقه القشطه والملح والفلفل الاسود.
- ونضربهم فى الخلاط ونجيب حله ونضيف معلقتين سمنه وننزل بالخليط ونقلب حتى يصبح بشاميل كريمى نحضر الخلطه فى صنيه
- ننزل بمعلقه سمنه والبصل متقطع صغير جدا ونقلبها لغايه ما البصل يدبل ننزل بالفلفل متقطع صغير ونقلب لغايه ما يدبل ننزل بالجزء اللى من بره من الطماطم نشيل قلب الطماطم ونقلبهم
- ونضيف البهارات الملح والكمون والفلفل الاسود والبابريكا وبهارات المشويات وبهارات الحمه ورشه السكر ونقلبهم وكده الحشوه بقيت جهزه
- ناخد كبشه من البشاميل نحطها على المكرونه اللى سلقناها ونقلبها ونجيب الصنيه اللى هنعمل فيها البشاميل ندهنها زيت بسيط ونحط شويه بسيط من البشاميل وننزل بنص كميه المكرونه ونفردها
- ونحط الخلطه ونفردها
- ونضيف نص المكرونه الاخر ونفردها ونغطيها بباقى البشاميل
- ونرش شويه جبنه موتزريلا وده اختيارى
- حابه تضيفى بيضه تدهنيها من فوق تدى لون براحتك وتدخل الفرن على نار متوسطه وبالهنا
طريقة عمل المكرونة بالبشاميل باللحمة المفرومة المصرية
المقادير
الحشوة
- 350 / 500 جرام لحم مفروم.
- ملعقة صغيرة زبدة او سمنه
- حبة بصل صغيرة مفرومة
- 2 فص ثوم مفروم
- 2 حبة طماطم مفرومة منزوعة القشر او مبشورة
- 1 ملعقة صغيرة صلصة طماطم
- ملعقة صغيرة ملح
- ربع ملعقة صغيرة فلفل اسود
- ربع ملعقة صغيرة السبع بهارات ( إختياري )
مقادير البشاميل
- 4 ملاعق كبيرة زبدة ( 80 جرام )
- 3 ملاعق كبيرة زيت ( 30 جرام )
- 4 ملاعق كبيرة ممتلئة دقيق ( 120 جرام )
- لتر ونصف حليب = 7 ونصف كوب حليب ( الكوب 200 مللي )
- كوب كريمة طهي ( 200 مللي )
- ملعقة كبيرة جبن كريمي ( اختياري )
- ربع ملعقة صغيرة فلفل ابيض او اسمر
- ملعقة صغيرة ملح
- مكعب مرقة ( إختياري )
طريقة مكرونه بالبشاميل باللحمه
- فى حله على النار نغلى الميه ونحط نص معلقه ملح ونحط المكرونه تتسلق تلت تربع سلقه ونصفيها
- فى حله ننزل بالزبدة والزيت وننزل بال.قيق نحمره حتى ياخذ اللون الذهبى الفاتح ننزل بالحليب ونقلب باستمرار ول ما يبدا يتقل ننزل بالكريمه وبمعلقه الجبن الكريمى اذا كنتى تستخدميها والملح حسب الرغبة وفلفل أسود ومرقه ونقلب حتى يصبح الخليط كريمى سائل
تحضير حشوه ألذ مكرونة بشاميل باللحم المفروم
- ننزل فى صنيه بالسمنه وننزل بالبصل حتى يذبل ننزل باللحمه المفرومه ونقلب حتى يتغير لونه ننزل بالثوم المفروم والطماطم المفرومه ومعلقه الصلصة ونقلب نضيف الملح والفلفل الأسود والسبع بهارات نقلب الخليط ونطفى النار
- فى صنيه ننزل بكبش بشاميل ونفرده ثم نقسم المكرونه نصين نصيف اول نص ونرش عليه بشاميل ونضيف الحشوه ثم ننزل بالنص الاخر من المكرونه ونضيف عليه باقي البشاميل حتى يغطى كل المكرونه نرش جبنه موتزريلا من فوق او نضرب بيضه عليها رشه ملح وفلفل أسود ونحطها على وش الصنيه وندخل صنيه البشاميل في الفرن لمده ٣٠ دقيقة ونفتح الشوايه ليأخذ اللون الذهبي ونطفى وبالهنا
أسهل طريقة لعمل المكرونة البشاميل بالفراخ
المقادير
- ماء لسلق المكرونه
- ٤00 جرام مكرونه
- ملعقة كبيرة ملح
- ملعقتين زيت + ملعقه صغيرة زبدة
- 500 جرام صدور دجاج
- مخلية مقطعه مكعبات صغيره
- 4 فصوص ثوم مفرومين
- ربع ملعقة صغيرة من ( البابريكا - الفلفل الأسود)
- نصف ملعقة صغيرة ملح
- ملعقه كبيرة صلصة طماطم
- نصف كوب طماطم شيري او مكعبات
البشاميل
- 2 ملعقة كبيرة زبدة او سمنه
- ملعقة كبيرة زيت
- ملعقتين كبيرتين دقيق
- ملعقة صغيرة ملح
- لتر حليب
- ربع ملعقة صغيرة فلفل اسود
- حبه مستكه
- ربع كوب جبن شيدر ( إختياري )
تحضير طريقة المكرونة البشاميل بالفراخ
- فى حله على النار نغلى الميه ونحط نص معلقه ملح ونحط المكرونه تتسلق تلت تربع سلقه ونصفيها
- فى صنيه ننزل بالزيت والزبده او السمنه ننزل بمكعبات الدجاج ونقلب حتى يتغير لونه ننزل بالثوم المفروم ثم ننزل بالطماطم ومعلقه الصلصه ونقلب ننزل بالملح والفلفل الأسود والبابريكا ونقلب ونتركه حتى يتشرب الطماطم ٥ دقائق ونطفى النار
البشاميل
- فى حله ننزل بالزبده او السمنه والزيت ننزل عليهم بالدقيق ونقلب حتى يصبح لونه ذهبى فاتح ننزل بالحليب نقلب باستمرار حتى يبدا يثقل تنزل بالجبن الشيدر اذا كنتى ترغبى ونقلب ننزل بالملح والمستكه والفلفل الأسود ونقلب حتى يصبح كريمى
- فى صنيه ننزل بكبش بشاميل ونفرده ثم نقسم المكرونه نصين نصيف اول نص ونرش عليه بشاميل ونضيف الحشوه ثم ننزل بالنص الاخر من المكرونه ونضيف عليه باقي البشاميل حتى يغطى كل المكرونه نرش جبنه موتزريلا من فوق او نضرب بيضه عليها رشه ملح وفلفل أسود ونحطها على وش الصنيه وندخل صنيه البشاميل في الفرن لمده ٣٠ دقيقة ونفتح الشوايه ليأخذ اللون الذهبي ونطفى وبالهنا
