قائمة أكلات شعبية مصرية : 4 اكلات شعبية سهلة واقتصادية
الاكلات الشعبيه وجمال الاكلات الشعبيه مفيش حد ما بيحبهاش، تعالي نعمل مع بعض وصفات من الاكلات الشعبيه بطريقه سهله وبسيطه وتكاليف علي قد الايد وهنعمل مع بعض احلي
طريقة عمل الفول المدمس السريع
الفول (المدمس) وعشاق الفول، تيجي نتعلم مع بعض طريقه مختلفه لتسوية الفول، المره دي الفول المدمس بس ب( الصلصه)
طعم مفيش احلي من كدا، تعالي اعلمك الطريقه وحده وحده
الفول المدمس بالصلصه
المكونات:
- كوب فول مدمس
- حبايتين طماطم 🍅
- بصله
- ليمونه
- زيت
- ملح
- كمون
- حبة توم مفرومه
- دي بقا مكونات الفول بتاعنا
طريقة التحضير
تعالي اقولك طريقة التسويه بتعت الفول
- هتجيبي وعاء عندك وتحطي فيه ميه
- وتحطي الميه دي علي النار لحد ما تسخن
- هتكوني محضره الفول وغسلاه كويس
- هتنزلي ب الفول ف الميه السخنه اللي علي النار وتسبيه علي نار هاديه
- ضيفي حبة ملح وزيت للفول ولمونه وهو بيستوي
- لو حسيتي ان الميه بتقل ولسه ما استواش
- انزلي ب حبة ميه كمان
- سيبك من الفول دلوقتي وخليه يستوي علي نار هاديه
تحضير تحويجة الفول
تعالي نحضر مع بعض الخلطه اللي هنحط فيها الفول بعد اما يستوي
- هتجيبي طاسه وتحطي فيها حبة زيت وتحطيها علي النار
- وتنزلي ب البصله المبشوره وتقلبي لحد اما تدبل
- وتنزلي بحبة التوم كمان وتشوحيها لحد ما يبقي لونها دهبي
- هتكوني محضره حبتين الطماطم وفرماهم علي الخلاط
- انزلي بيهم علي البصل والتوم وسبيهم مع بعض شويه علي نار هاديه
- هيكون الفول بتاعك استوي
طريقة تجهيز الفول
- انزلي ب الفول علي الخلطه اللي عملناها
- وافركي الخليط مع بعض وحطي حبة بهارات كمون
- واي بهارات تحبيها وسبيهم حبه علي النار
- حبه صغيرين
- وكدا يبقي الفول ب صلصة الطاطم استوي
و بالف هنا علي قلبك
طريقة عمل الطعمية بالصور
تيجي نعمل( طعميه) مع بعض بطريقه سهله ومكونات بسيطه. مفيش حد مش بيعشق الطعميه وتلاقيها وجبه اساسيه فوق سفرة البيوت المصريه مكوناتها ايه بقا ؟
المكونات
- كوب فول مدشوش (منقوع مسبقا )
- بصلة متوسطة مفرومة
- حبتين من التوم
- كزبرة خضره
- ملح
- كمون
- كزبرة ناشفة
- زيت للقلي طبعا
طريقة تحضير عجينة الطعمية
- يُطحن الفول مع البصل والتوم والكزبرة
- لحد مايبقي الفول مطحون جامد هو وباقي المكونات
- انزلي ب الملح والكمون
- والكزبرة الناشفة
- واعجني كله دا ف بعضه
كدا عجينة الطعميه جاهزه
طريقة التجهيز
- جيبي بقا طاسه وانزلي فيها ب الزيت وحطيها علي النار لحد ما تسخن
- شكلي العجينه كرات صغيرة
- وانزلي بيهم ف الزيت لحد ماتستوي
وكدا يبقي الطعميه جاهزه معانا و بالف هنا علي قلبك
طريقة عمل شوربة العدس بالشعرية
شوربة العدس وجمالها وطعمها الاكتر من رائع، ومقولكيش بقا علي فوايدها طريقتها مفيش اسهل من كدا ومكوناتها اقل مما تتخيلي
تعالي بقا نبدا:
المكونات
- كوب عدس أحمر
- بصلة مفرومة
- 2 فص توم مفروم
- جزرة، مقطعة مكعبات
- 4 كوب ماء
- 2 ملعقة كبيرة سمنه او زيت
- ملعقة صغيرة كمون مطحون
- ملح وفلفل
طريقة التحضير
تعالي بقا نبدأ مع بعض ف طريقة التحضير
- اغسلي العدس تحت الميه لحد ما يبقي صافي
- تجيبي وعاء وتحطيها على نار متوسطة
- وانزلي ب السمنه او الزيت زي ماتحبي لحد مايسخن
- حطي بعد كدا البصله المبشوره وقلبيها لحد مايبقي لونها ذهبي غامق
- ضيفي عليهم حبة التوم والجزر وقلبيهم
- لمدة 2-3 دقائق.
- انزلي بعد كدا ب العدس المغسول واستمري في التحريك لمدة دقيقة.
- ضيفي ٤ كوب ماء او(شوربه )
- وقلبيهم مع بعض وسبيهم يغلوا مع بعض على نار هاديه لمدة 25-30 دقيقة
- ومتنسيش كل خمس دقايق اديهم قليبه
- انزلي بعد كدا ب التوابل ( الكمون والملح والفلفل والبهارات اللي تحبيها )
- وقلبيهم مع بعض لحد ما العدس يستوي
- وبعد كدا اضربيهم مع بعض علي الخلاط
- وكدا تبقي شوربة العدس جاهزه
ب الف هنا علي قلبك
طريقة عمل البصارة بالصور خطوة بخطوة
المكونات
- كوب من الفول المدشوش
- حزمة كزبرة خضراء مفرومة
- 3-4 فصوص توم مهروسة
- بصلة كبيرة مفرومة
- ملعقة صغيرة كمون
- نصف ملعقة صغيرة كزبرة جافة
- ملح وفلفل زي ماتحبي
- 3 ملاعق زيت ومعلقة سمنه
- كوبايتين ميه
وكدا يبقي المكونات كلها
تيجي بقا لطريقة التحضير
- اغسلي الفول وصفيه كويس
- جيبي وعاء وحطي فيه كوبايتين الميه
- وحطيهم علي نار متوسطه لحد اما تسخن الميه
- انزلي عليهم ب الفول
- وحبتين توم والكزبره الخضره
- وحبة ملح زي ماتحبي
- غطي المكونات وسبيهم علي نار هاديه
- تعالي بقا نكمل مع بعض باقي الخطوات
- تجيبي طاسه وتنزلي عليها ب معلقتين الزيت
- ومعلقة السمنه وشغلي النار بدرجه متوسطه
- انزلي بعد كدا ب البصله المبشوره وقلبيها
- لحد ما تدبل ولونها يبقي اصفر
- حطي بعد كدا باقي التوم اللي عندك وقلبي فيه
- لحد ما يبقي نفس اللون
- انزلي بكل اللي ف الطاسه علي المكونات اللي ف الوعاء وقلبيهم كويس مع بعض
- ضيفي بقا الكمون والكزبره الجافه
- والملح والفلفل
- وسبيهم مع بعض علي نار هاديه خمس دقايق
- اطفي النار
- واهرسيهم ب محضرة الطعام
- او الخلاط لحد مايبقي الخليط ناعم
- اخر خطوه بقا عيدي الخليط بعد مهرستيه
- علي النار دقيقتين مع التقليب ب استمرار
- لحد ما قوام البصاره يتخن شويه
معلومه اخيره
- يمكن انك تضيفي
- عصرت لمون فوق طبق البصاره
- لو حبيتي
- وممكن تستغني عن الخطوه دي
- زي ماتحبي
وكدا يبقي خلصت طريقة البصاره
ب الف هنا علي قلبك
