أكلات الحمام المحشي .. هتعملي الحمام في بيتك بطعم أحلي من المطاعم
الحمام وجمال طعم الحمام مفيش مناسبه عندك ولا عزومه الا وكان الحمام صنف اساسي لانه بيضيف لمسه فاخره علي سفرتك علشان كدا متقدريش تستغني عنه، سواء كان حمام محمر محشي ب الفريك او حمام محمر محشي ب الرز. لان الحمام بيتميز طبعا بنكهات لذيذة وتنسيش كمان ان غني بفوايد كتيرررره، هو اينعم محتاج وقت ومهاره طبعا بس ايه رأيك نتعلم مع بعض اول حاجه الحمام ب الرز ومكوناته ايه تعالي هنا اقولك.
طريقة عمل الحمام المحشي بالارز
المكونات
- حمام (العدد اللي تحتاجيه )
- كوباية رز مغسوله
- بصلة مفرومة
- حبة توم مفرومين (حبه حلوين يعني)
- معلقة كبيرة زيت أو سمنه
- ملح وفلفل اسود
- معلقة بهارات مشكّلة (الكمون، القرفة،الكزبره الناشفه)
- نص كوبايه من الشوربة أو الميه
- حبة فلفل اخضر يكون حار
- ورق لورا وحبهان
وكدا المكونات بتعتنا جاهزه يلا بقا علي الطريقه
طريقة تحضير الرز
- سخّني الزيت أو السمنه في طاسه على نار متوسطة.
- انزلي ب البصل عليه والملح وقلّبيهم لحد مايبقي لونه دهبي
- ضيفي حبة توم مفرومين وحبة الفلفل الاخضرالحار من اللي عندك وقلّبي
- لحد ما يطلع ريحة التوم ويبقي لونه دهبي برضوا
- انزلي عليهم ب الرزوقلّبي كل الخليط ف بعضو
- لمدة دقيقتين او تلاته
- ضيفي بعد كدا البهارات بتاعتك
- واخر حاجه انزلي عليهم ب نص كوباية
- الشوربة (أو الميه ) وغطي الخليط. وسبيه لحد مايتشرب الرز ويستوي
- كدا الخلطه بتاعتنا جاهزه
لحشو الحمام
- جيبي بقا الحمام اللي عندك واحشيه
- وتاكدي من توزيع الحشو بشكل متساوي من الداخل
- وبعد كدا ممكن انك تقفلي الفتحة بخيط
- أوعود أسنان علشان الحشو ميطلعش من الحمام
طريقة التسويه او طهي الحمام
- جيبي حله وحطي فيها كميه ميه تكفي لعدد الحمام اللي هتسويه وحطيها علي نار متوسطه
- لحد اما تفور وانزلي ب الحمام فيها
- حطي بعد كدا حبة توم وملح وورق لورا وحبهان
- وسبيه يغلي على نار متوسطة لمدة ربع ساعة
- لحد ما يستوي
- وبعد اما يستوي طلعيه ف صينيه عندك وانزلي عليه بالبهارات والملح لطعم مفيش احلي من كدا
- اما يستوي بقا تعملي ايه
- تجيبي طاسه وتحطي فيها حبة زيت وحطيها علي النار
- وانزلي فيها ب الحمام وقلبي لحد اما يبقي لونه دهبي
طريقة عمل الحمام بالفريك
تعالي هنا اقولك علي طريقة حشو الحمام بس المره دي ب الفريك
طريقة حشو الحمام ب الفريك
المكونات
- حمام منضف
- كوباية فريك منقوعه في ميه دافيه لمدة 30 دقيقة
- بصلة صغيرة مفرومة
- حبة توم
- 2 معلقه كبيرة زيت أو سمنه
- ملح وفلفل أسود
- ورق لورا
- معلقه كبيره بهارات ( قرفة، حبهان، كزبرة جافة )
طريقة تحضير الفريك
- سخّني معلقه كبيرة من الزيت أو السمنه في طاسه على نار متوسطة.
- انزلي ب البصل المفروم وقلّبيه لحد ما يدبل ويبقي ذهبي اللون.
- ضيفي الفريك المنقوع بعد ما صفتيه من الميه وقلّبيه مع البصل
- انزلي عليهم ب البهارات، الملح، والفلفل، وقلّبي المكونات كويس مع بعض
- سيبي الفريك على النار مع التقليب لمدة 5 دقائق
- وبعدا كدا نزليه عن النار وانزلي عليه ب
- حبة توم مفرومين وقلبيهم مع بعض وسبيه يبرد
- بعد اما يبرد جيبي الحمام واحشيه كويس
طريقة تسوية الحمام
- حطي الحمام المحشي عندك في ميه مغليه
- وحطي فيها ملح وورق لورا وحبات هيل
- وحبة توم مفرومين
- وسبيه يغلي على نار متوسطة لمدة 30-40 دقيقة لحد ما يستوي
- واما يستوي طلع الحمام ف صينيه ورشي عليه
- حبة ملح وفلفل اسود وبهارات
- الخطوه الاخيره بقا بعد ما الحمام يستوي
- انزلي ب الحمام ف طاسه فيها حبة زيت وحطيها علي نار متوسطه وقلبي فيها لحد ما يبقي لونها دهبي
وكدا يبقي الحمام ب الفريك بقي جاهز وبالهنا والشفا!
طريقة حشو الحمام بالبرغل
المكونات
- حمام مغسول كويس (العدد اللي تحتاجيه)
- كوبايه من البرغل المنقوع في الميه لمدة نص ساعة
- بصلة صغيرة مفرومه
- نص كوبايه من الكبد والقوانص المفرومة (تقدري تستغني عنه لومش حابه)
- ملعقتين كبار من الزيت أو السمنه
- نص كوبايه من البقدونس المفروم
- ملح وفلفل أسود
- معلقه كبيره من البهارات المشكلة (قرفة، حبهان، كمون)
- حبة توم
- فلفل اخضر يكون حار
طريقة تحضير البرغل
- سخّني الزيت في طاسه وبعد كدا انزلي ب البصل وقلّبيه لحد مايدبل
- ضيفي الكبد والقوانص المفرومة إذا كنتِي تستخدميها وقلّبيها لحد ماتستوي
- انزلي ب البرغل بعد ما صفتيه من الميه كويس في الطاسه ضيفي البقدونس، الملح، الفلفل، والبهارات والتوم
- قلّبي كويس لمده ١٠ دقائق وبعد كدا نزليه من علي النار وسبيه يبرد شويه
طريقة الحشو
- جيبي الحمام اللي عندك اللي غسلتيه
- املي الحمام بحشوة البرغل بس شويه شويه
- استخدمي إبرة وخيط لغلق الفتحة او خلة اسنان برفق علشان متطلعش الحشوة أنتي وبتسويه
طريقة سلق الحمام
- اغلي ميه في حله كبيره مع ورق لورا وحبهان
- وبصلة صغيرة مقطعة وحبة توم وملح
- انزلي ب الحمام وسبيه لمدة 30-40 دقيقة لحد مايستوي
- اول ما بستوي طلعي الحمام وحطيه ف صينيه
- وحطي عليه ملح وتوابل
طريقة التحمير
- طاسه وحطي فيها زيت أو سمنه وحطيها علي نار متوسطه
- وانزلي ب الحمام فيها وقلبي لحد ما يبقي لونه دهبي
وكدا الحمام ب البرغل جاهز بالف هنا علي قلبك
