العيش البلدي الصعيدي : هتخبزيه بأحلي وأسرع طريقة في البيت
العيش البلدي الصعيدي هو نوع من الخبز التقليدي في مصر، ويتميز بطعمه اللذيذ وقوامه المتماسك. يُعتبر هذا الخبز جزءًا أساسيًا من المائدة المصرية، ويمثل تراثًا ثقافيًا مهمًا. في هذا المقال، سنستعرض كيفية إعداد العيش الفلاحي خطوة بخطوة.
طريقة العيش الشمسى .. العيش البلدي الصعيدي
المقادير
- دقيق حسب ما ترغبى الكميه
- ماء حسب الدقيق
- ملعقة صغيره سكر
- ملعقة صغيره ملح
- 2 ملعقة كبيرة خميرة فورية
- 1/2 ملعقة صغيره سكر
- 1/2 كوب ماء دافئة
طريقة التحضير
نحضر الخميره من بالليل نص كيلو دقيق ومعلقه كبيره سكر وبنكون ساحبين حتت خميره من الخبز اللى فاتت نحطها ومعلقتين كبار زيت وننزل بالماء ونعجن لغايه ما تتكون عجينه مش بالزق فى الايد ومش طريه اوى
نجيب مقدار الدقيق ونحلله بالغربال عملنا الخميره الساعه 12 بالليل سبناها تخمر ع الساعه 5 ونص كانت خمرت وبقيت جاهزه للعجن جبت طبق بلاستيك كبير ونضيف حطيت شويه ميه من الحنفيه دوبت معلقه ملح صغيره فيهم وبعدين شويه ميه دافين عليهم ونزلت بالدقيق.
عجنت فيهم شويه ونزلت عليهم ب كبايه ميه عليها معلقه سكر ومعلقه خميره فوريه كنت مجهزاهم اول ما بدأت اعجن اختبر الخميره افضل وعجنت شويه ونزلت بالخميره اللي خمرت من الساعه 12 وعجنتهم كل ما يحتاج ميه انزل ب كبايه ميه دافيه شويه لما العجين بقي مظبوط لا تخين ولا طري.
يبقي تمام كده قطعيه ع مقارص مفروشه رده وساويه ب ايدك حلو كده ومدور لغايه ما يرتفع نقلبه الناحيه التانيه اول ما نلاقيها ارتفع كويس نولع الفرن ونعدل العيسش وبدبوس نضيف ندور العيش من الجنب ونرصه فى الفرن نهدى النار من تحت وفوق علشان ميتحرقش اول ما يحمر من فوق وتحت نخرجه
وألف هنا وشفا.
طريقة عمل العيش الشامي بتاع المطاعم
مين فينا مش نفسه يعمل العيش الشامى فى البيت ويطلع زى الجاهز بدل ما نجيبه من بره بمبلغ كبير دلوقتى هقولك الطريقه اللى تخليك يطلع معاكى مظبوط زى الافرلن بالظبط
المقادير
- كوب دقيق
- معلقه صغيره خميره
- معلقه صغيره سكر
- رشه ملح
- ربع معلقه بيكينج بودر
طريقه التحضير
- فى طبق بلاستك نضيف جميع المكونات وااعجنى اوى بمايه دافيه لغايه ما تطبخ عجينه طريه لينه مش بتلزق فى الايد وسيبيها تخمر
- لما تخمر هتعمليها كور قد البيضه وسيبيها ربع ساعه وابتدى افرشى دقيق ع الرخامه وافرديها
- وبعدها سيبيه ربع ساعه تانى يخمر
- وهنجيب طاسه مش بتلزق ونسخنها اوى وبعدين نوطيها شويه ونحط العيش هنلاقيه بيتنفخ
- وريحته حلوه اوى هنقلبه عشان مبياخدش وقت وبعدها نطلعه على فوطه ونغطيه عشان يفضل طرى وكلى احلى عيش شامى
طريقة عمل العيش السوري في الطاسة .. عيش الشاورما
المقادير
- 3 كوب دقيق قمح كامل
- ملعقة صغيره ملح
- 1 كوب ماء دافئ
طريقه التحضير
- نخلط الدقيق مع الملح وبعدين نحط الماء بالتدريج مهم يكون الماء دافئ حتي لو مفيش خميره بعد ما تتكون عندى عجينه قوامها لين مش يابس اعجنها كويس لمده لا تقل عن 15 دقيقه العجن مهم جدا علشان العجينه متتقطعش في الفرد اغطيها واسيبها ترتاح نص ساعه.
- وبعدين اقطعها كور صغيره بحجم البيضه واسيبها ترتاح تاني15 دقيقه اجيب ملعقتين زيت في طبق وفوطه مطبخ وأحط صاج أو طاسه كريب على البوتاجاز ع نار هاديه جدا هحط حاجه بسيطه جدا زيت ع قطعه العجين علشان تتفرد معايا بسهوله وافردها بالنشابه ع قد ما اقدر من غير ما اقطع العجين.
- ارفع قطعه العجين ع الفوطه وبايدي اسحب من تحت العجينه لبره بحيث افردها وأفضل اعمل كده لما احس العجينه بقت رقيقه وشفافه الي حد ما ارفعها بالفوطه واقلبها ع الصاج دقيقه واحده بس واقلبها ع الناحيه التانيه لمده دقيقه برده مش عايزاها تاخد اي لون يادوب بس تستوى متاخدش اي لون ارفعها من ع النار واغطيها بفوطه مطبخ علشان يفضل طرى.وبالهنا
