.webp "طريقة عمل المسقعة المصرية في مطبخك بمكونات اقتصادية")
طريقة عمل المسقعة المصرية في مطبخك بمكونات اقتصادية
المسقعه من الأطباق الشهية الموفره وتختلف طرق عمل المسقعه من شخص لاخر وايضا علي حسب المكونات المتوفره منها اللي بمكونات بسيطه، ومنها اللي بتحتاج تكاليف ومكونات فهنتعلم النهارده كل الطرق لعمل المسقعه.
طريقة عمل المسقعه التقليديه
المكونات
- باذنجان
- فلفل أخضر
- بطاطس
- زيت
- طماطم مفرومه
- بصله مفرومه
- توم
- ملح
- فلفل اسود، كمون (جميع البهارات اللي عندك)
- وكدا المكونات بتعتنا خلصت
طريقه التحضير
قطّعي الباذنجان والفلفل والبطاطس شرايح وتكوني محضره طاسه فيها زيت علي نار متوسطه. واول ما الزيت يسخن انزلي ب البطاطس لحد ما يتحمرو طلعي البطاطس من الطاسه، وبعد كدا انزلي ب الباذنجان لحد مايبقي لونه دهبي طلعي الباذنجان وبعد كدا انزلي ب الفلفل الاخضر لحد ما يتحمر برضوا وهكذا لحد الكميه اللي عندك تخلص وكدا يبقي المكونات جهزت.
طريقة تسبيك الطماطم
في طاسه تانيه تكوني محضره حبة زيت علي نار متوسطه انزلي بالبصله المفرومه وقلبي لحد مايبقي لونها دهبي حطي التوم عليهم وقلبي برضوا وبعد كدا انزلي ب الطماطم المفرومه عندك، وضيفي بعد كدا عليهم الملح والكمون والفلفل الاسود وجميع البهارات اللي بتحبيها وسبيها علي نار هاديه لحد ما تتسبك
خلط المكونات
وبعد اما تتسبك انزلي عليهم بالبطاطس المحمره والفلفل والباذنحان وسبيهم علي نار هاديه دقيقتين بس وكدا المسقعه بتاعتنا جهزت
ب الف هنا علي قلبك.
المسقعه باللحمه المفرومه
المسقعه باللحمه المفرومه طعم مفيش اجمل من كدا مكونات وطريقه سهله جدا
طريقة مسقعة الباذنجان ب اللحمه المفرومه
المكونات
- باذنجان
- لحمه مفرومه
- بصله
- طماطم مفرومه
- توم
- زيت
- ملح وكمون وفلفل اسود وبهاراتك الحلوه
- وكدا المكونات بتاعتنا جاهزه
طريقة التحضير
قلطعي الباذنجان شرايح وحضري طاسه فيها زيت وحطيها علي نار متوسطه وانزلي ب الباذنجان لحد ما يتحمر وطلعي بعد كدا الباذنجان من الطاسه واركنيه علي جنب
طريقة تحضير اللحمه المفرومه
حضّري طاسه فيها معلقتين زيت علي نار متوسطه انزلي ب البصله وقلبيها لحد ماتدبل، انزلي عليها ب اللحمه المفرومه وقلبي البصل واللحمه مع بعض لمده خمس دقايق حطي حبة التوم واديها قليبه مع اللحمه والبصله، ضيفي الطماطم عليهم لحد ما تتسبك، حطي الكمون والملح والفلفل الاسود وبهاراتك الجميله، كدا اللحمه المفرومه ب صلصة الطماطم جاهزه.
التجهيز
جيبي صينيه وحطي فيها نص الكميه من اللحمه المفرومه ب الصلطه وبعد كدا حطي طبقه من الباذنجان، وبعد كدا باقي الخلطه اللي عندك من اللحمه المفرومه ب الصلصه بتاعتنا وسبيها 10 دقايق علي نار هاديه لحد ما يندمجوا مع بعض وبكدا المسقعه ب اللحمه المفرومه خلصت بالف هنا
المسقعه بالطريقه اليونانية
اللي هي المسقعه ب اللحمه المفرومه وصلصة البشامل و الباذنحان المحمر، طعم مفيش احلي ولا اطعم ولا اجمل من كدا. اينعم هتحتاج منك وقت ومجهود، بس تعالي مع بعض اقولك المكونات والطريقه
المقادير
- 2 باذنجانه مقطعة شرايح
- نص كيلو من اللحمه المفرومه
- بصلة مفرومة
- حبة توم مفرومين
- حبة طماطم مفرومة
- معلقة صغيرة قرفة
- ملح وفلفل اسود
- بهارات
- زيت للقلي
مكونات صلصة البشامل
- معلقتين سمنه
- 3 معالق كبيره دقيق
- كوبايتين حليب
طريقة التحضير
تحضير الباذنجان رشي شرايح الباذنجان بالملح وسبيها لبضع دقايق لحد ما تتخلص من السوايل اللي فيها وبعد كدا جففيها كويس، هتكوني محضره طاسه فيها زيت وحطاها علي نار متوسطه وانزلي ب شرايح الباذنجان لحد ماتبقي لونها دهبي، طلعيها من الزيت واركنيها علي جنب.
تحضير اللحمه المفرومه
في طاسه سخني حبة زيت وانزلي ب البصل وقلبيه لحد ما يدبل، ضيفي اللحمه المفرومه وقلبيهم مع بعض لحد مايتغير لون اللحمه، انزلي بالطماطم المفرومه والبهارات (القرفة، الملح، والفلفل الاسود). سيبي الخلطه على نار هاديه لمدة 10 دقائق.
طريقة تحضير صلصة البشامل او (الصلصه البيضاء)
تحضير صلصة البشامل (الصلصه البيضاء) في وعاء صغير حطي معلقتين السمنه علي نار هاديه انزلي بالدقيق وقلبيه لحد ما يصبح لونه دهبي، ضيفي الحليب حبه حبه واستمري ف التقليب لحد ما تحصلي على صلصة البشامل الكثيفه، وبعد كدا نزليه عن النار، وسبيه لحد مايبرد
التجهيز
التحضير او (التجميع ): جيبي صينية حطي طبقة من الباذنجان وبعد كدا طبقة من خليط اللحمه، وكرري لحد ما تنتهي الكمية اللي عندك، انزلي بعد كدا ب صلصة البشامل فوق الطبقات بالتساوي.، هتكوني مجهزه الفرن بتاعتك، حطي الصينيه ف الفرن لمدة نص ساعه، او لحد ما تتحمر الطبقة العلوية. وكدا يبقي خلصت الوصفه بتاعتنا وبالف هنا.
