ملف كامل عن أنواع المكرونة : 5 وصفات مختلفة سهلة ولذيذه

ملف كامل عن أنواع المكرونة: 5 وصفات مختلفة سهلة ولذيذه

تعد  المكرونة من الأطباق التقليدية المحبوبة في العديد من الثقافات حول العالم. تُعتبر المكرونة عنصرًا أساسيًا في المطبخ الإيطالي، لكنها اكتسبت شهرة عالمية بفضل تنوعها وقابلية إعدادها بطرق مختلفة تناسب جميع الأذواق. المكرونة تعتبر مصدرًا جيدًا للكربوهيدرات، وهي ضرورية لتزويد الجسم بالطاقة. كما يمكن أن تحتوي على بعض البروتين والألياف، خاصة إذا تم استخدامها مع الحبوب الكاملة.

طريقة عمل مكرونة بالجمبري والكريمة

المقادير 

• كيس مكرونة فوتتشيني
• ربع كيلو جمبري
• ٢ فص ثوم
• ملعقة زبدة
• ربع كوب كريمة
• كوب لبن
• حزمه كزبرة خضراء
• ملعقة كبيره دقيق
• نص ملعقة صغيره بابريكا 
• نص ملعقة صغيره ملح
• نص معلقه صغيره كمون
• جبنة شيدر (اختياري)

طريقه التحضير 

• نسلق المكرونة ونتبل الجمبري بالثوم والبابريكا والكمون. في طاسه ساخنة نضع الزبدة وننزل بالجمبري المتبل ونتركه 3 دقائق ثم نرفعه
• في نفس الطاسة نضع زبدة ومعلقة من الدقيق ونحركهم ونضع اللبن والكريمة ونقلب حتى يثقل القوام ثم نضيف الجبن الشيدر والكزبرة الخضراء
• نضع المكرونة والجمبري ونقلب وبالف هنا 

مكرونة البيستو بالصوص الجاهز

المقادير

• كوب ريحان ورق
• ٥ فصوص ثوم 
• ٥ معالق زيت 
• معلقه صغيره فلفل أسود 
• ٣ معالق صنوبر
• معلقه كبيره حبينه بارميزان او رومى
• نص كيلو مكرونة
• صوص البيستو

طريقة التحضير 

• في الخلاط نحط كوب ريحان ورق و3 فصوص ثوم و5 معالق زيت  ومعلقه فلفل اسود 3 معالق كبار صنوبر ومعلقه كبيره جبنه بارميزان  ونضربهم مع بعض ونكون سلقنا المكرونه وفي طاسه نحمر فصين ثوم مفروم وننزل عليهم بالمكرونه المسلوقه وعليهم صوص البيستو ومعلقه جبنه بارميزان ونقلبهم في بعض ونقدمهم وبالهنا والشفا

طريقة عمل مكرونة بالكفتة والصلصة

المقادير

للكفتة

• نص كيلو من اللحم المفروم
• بصلة كبيرة مبشورة
• ٢ فص ثوم ممفروم
• ربع كوب بقدونس مفروم
•  ملعقة صغيرة كمون
•  ملعقة صغيرة بهارات مشكلة
•  ملح وفلفل حسب الذوق
• بيضة (اختياري )
• ربع كوب بقسماط (اختياري لتماسك الكفتة)

للمكرونة

• نص كيلو من المكرونة (أي نوع تفضله)
• ٢ ملعقة كبيرة زيت 
• بصلة مفرومة
•  2 فص ثوم مفروم
•  2 كوب عصير طماطم
• ملعقة صغيرة سكر
• ملح وفلفل حسب الذوق
• نص ملعقة صغيرة ريحان مجفف
• نص ملعقة صغيرة زعتر مجفف
•  جبنة بارميزان مبشورة (اختياري)

طريقه التحضير 

تحضير الكفتة

• في وعاء كبير، اخلط اللحم المفروم مع البصل المبشور، الثوم، البقدونس، الكمون، البهارات، الملح، والفلفل. أضف البيضة والبقسماط إذا كنت ترغب في تماسك أفضل.
•  شكل الخليط إلى كرات صغيرة.
• سخن قليل من الزيت في مقلاة على نار متوسطة، واقلي كرات الكفتة حتى تصبح بنية اللون من جميع الجوانب وتنضج تماماً. ارفعها من المقلاة وضعها على مناشف ورقية لتصفيتها من الزيت الزائد.

تحضير الصلصة والمكرونة

• في قدر كبير، سخن الزيت على نار متوسطة، وأضف البصل والثوم واطبخهم حتى يصبحوا شفّافين.
• أضف صلصة الطماطم، السكر، الملح، الفلفل، الريحان، والزعتر. دع الصلصة تغلي على نار هادئة لمدة 10-15 دقيقة.
•  في هذه الأثناء، اطبخ المكرونة حسب التعليمات الموجودة على العبوة حتى تصبح نصف ناضجة. صفيها وأضفها إلى الصلصة.
• أضف كرات الكفتة المطهية إلى القدر واطبخهم مع المكرونة والصلصة لمدة 10 دقائق إضافية حتى تتشرب المكرونة نكهات الصلصة وتنضج تماماً.
•  قدّم المكرونة بالكفتة ساخنة مع رشّة من جبنة البارميزان المبشورة إذا رغبت في ذلك

طريقة عمل مكرونة سهلة وسريعة

المقادير 

• ٤ معالق زيت
• بصله كبيره مقطع صغيرة 
• ٢ فص ثوم
• ٢ كوب عصير طماطم
• ٣ معالق معجون طماطم
• معلقه صغيره هريسة شطه
• نص معلقه صغيره فلفل أسود 
• نص معلقه صغيره كسبرة ناشفه
• كيس مكرونه
• ملح حسب الرغبة

طريقه التحضير 

• في حله هنحط شوية زيت وعليها بصل مقطع صغير وفصين ثوم بعد كدة ننزل عليهم بعصير طماطم و3 معالق معجون طماطم وهريسه شطه او قرون فلفل حراق وفلفل اسود وكسبره ناشفه او اي توابل تحبوها ونزودهم ميه و ننزل بكيس مكرونه صغيره ( نيه )ونزود ميه لحد ما تغطي المكرونه ونحط الملح ونوطي عليها لحد ما تستوي

المكرونه وايت صوص بالمشروم

المقادير

• كيس مكرونة قلم او فوتوتشيني او اسباجتى 
• بصله متوسطه متقطعه شرائح
•  فصين ثوم 
• ٢ حبة فلفل اخضر والألوان 
•  نص كيلو حليب كامل الدسم 
• ٥ معلقه دقيق 
• مكعب مرقه 
• ملح وفلفل 
•  معلقه صويا صوص 
• ٣ معالق زيت على سمنه
•  كريمة طهي 

طريقة التحضير 

• في طاسه بنضيف ثوم وبصل وفلفل بنضيف عليهم التوابل ومعلقه الصويا وبعدين بنحضر صوص المكرونه زي البشاميل
• بنضيف زيت مع زبده او سمنه ونضيف عليهم الدقيق ونقلب ثم ننزل بالحليب ممكن نضيف جبن شيدر مبشور ونقلب الخليط لغايه ما يبقي بشاميل قوامه وسط مش تقيل عشان هيتقل اكتر لما يبرد اخر خطوه بنضيف كريمه طهي
• نسلق مكرونه تلت تربع سوي ونضيف معاهم كل المكونات سوي الخضار وصوص المكرونه الابيض ونقلبهم كويس ونضيف معاهم نصف كوب من ماء سلق المكرونه ونوطي عليهم النار جدا ونغطيها لغايه ما المكرونه تشرب الصوص وتستوي