حلويات شرقية مصرية: صور شهية ووصفات سهلة
حلويات شرقية مصرية تُعتبر رمزًا للضيافة والاحتفال في كثير من الدول العربية والشرقية، وتتميز بمذاقها الحلو الفريد وتنوع مكوناتها. فيما يلي مقال شامل عن طرق تحضير بعض الحلويات الشرقية التي لا غنى عنها في المناسبات والأعياد.
 |
| حلويات شرقية مصرية: صور شهية ووصفات سهلة |
طريقة الكنافة بالقشطة سهلة
المقادير
- 1/2 كيلو كنافة
- 1 كوب سمنة سايحة
- 1/2 كوب سكر بودرة
- الكريمة
- 3 كوب لبن
- 2 ملعقة كبيرة نشا
- 2 ملعقة كبيرة دقيق
- 2 ملعقة كبيرة قشطة
- 1 ملعقة كبيرة سكر
الشربات
- 2 كوب سكر
- 1.5 كوب ماء
- عصرة ليمون
طريقة التحضير
- الكنافة بتكون متجمدة في الفريزر ، نطلعها نفرمها في الكبة أو بإيدينا ، وعلى رخامة نضيفة بننزل الكنافة عليها السكر وندمجهم مع بعض جيدا ، ثم نضيف السمنة ونغلف الكنافة بيها جيداً .
- وفي صينية مقاس 28 أو 30 مدهونة سمنة جيدا بننزل بنصف كمية الكنافة تقريباً المهم تكون طبقة رفيعة جدا ،
- سخنة ونضغطها جيدا في الصينية ثم نضيف عليها طبقة الكريمة ونترك الطبقة لحد ماتبرد.
- ثم نضيف النصف الثاني من الكنافة أو لحد ماتغطي طبقة الكريمة ، و تكون أيضا طبقة رفيعة فمش لازم نضيف نص كيلو الكنافة كله وبعد ذلك بنضيف طبقة خفيفة من السمنة السايحة بالفرشاه من علي الوجه
- ثم ندخلها الفرن علي درجة حرارة 200 علي الرف الأوسط وبتاخد من 30_35 دقيقة ، لحد ماتاخد اللون الذهبي ونطلعها ونتركها تهدا 10 دقایق تقريباً
- ثم نصب عليها نصف كمية الشربات البارد من فوق ثم نقلبها ونسقيها بالنص الباقي من الشربات من الجنب التاني ، ثم نتركها تهدا لحد ماتبرد قبل مانقطعها عشان الكريمة تطلع متماسكة.
أساور الست
المقادير
- الفة جلاش
- كوب سمنه بلدي سايحه
- نصف كوب فستق مفروم
- نوتيلا
الشربات
- کوبین سکر
- كوب ماء
- معلقة صغيرة عصير ليمون
طريقة التحضير
- اول حاجه نعمل الشربات بوضع مكوناته على النار لمده 7 دقايق ونحط عصير الليمون وتغلي غلوتين ونطفي ونسيبه يبرد.
- نقسم الجلاش نصفين بالسكينة وناخد طبقة من الجلاش وندهنها بالسمنة ونطبقها على شكل مربع وندهنها مره تانيه
- وبعدين نلفها علي مسن أو خشبة رفيعة ذي القلم الرصاص وبعدين نخرجها ونلفها دایرة علي بعضها.
- نرص الأساور جنب بعضها في صينية فرن مدهونه زيت أو سمنة وبعدين ندهن الأساور بالسمنة وندخلها الفرن علي الرف
- الأوسط على درجة حرارة 180 لحد ما تاخد لون ذهبي ونخرجها ونسقيها بالسيرب البارد.
- نحط في منتصف الأساور مربی حليب أو كراميل أو نوتيلا أو مكسرات مفرومة حسب الرغبة.
- وألف هنا
بسبوسة سهلة واقتصادية
المقادير
- كوب من الحليب
- كوب لبن زبادي
- كوب من الزيت
- 2 اكواب من السميد
- كوب من جوز الهند
- كوب من السكر
- ملعقة كبيرة بيكنج بودر
للشربات
- 2 كوب من الماء
- 2 كوب من السكر
- ملعقة كبيرة من عصير ليمون
طريقة التحضير
- نضع كوب من الحليب و كوب لبن زبادي وكوب من الزيت ونخلط المقادير جيدا
- نضيف 2 اكواب من السميد و كوب من جوز الهند و كوب من السكر وملعقة كبيرة بيكنج باودر وخليط المقادير جيدا
- نسكب الخليط في صينية مدهونة وتدخل الفرن على حرارة 180 لمدة 35 دقيقة
- مباشرة تسقى بالقطر البارد
- يتم تقطيع البسبوسة بعد ما تشرب القطر
- ويتم تزيينها بجوز الهند
- بالف هنا
طريقه عمل الزلابيه
المقادير
- كوبين دقيق
- ملعقتين كبار نشا
- ملعقه سكر
- ربع ملعقه صغيره فانيليا
- كوب ماء دافئ
- ملعقه صغيره خميره فوريه
- رشه بيكنج بودر
- رشه ملح
- ملعقتين زيت
للشربات
- كوبين سكر
- كوبين ماء
- عصير نصف ليمونه
- ملعقه كبيره عسل جلوكوز
طريقة التحضير
- في وعاء نضع الميه الدافئه وعليها الخميره والسكر ونقلب ثم ننزل بالنشا وتضرب بمضرب سلك نضع الفانيليا والبيكنج بودر ثم نخلط ثم نضع الدقيق حبه حبه ونعجن جيدا ممكن متاخدش كل كميه الدقيق
- ثم نعجن لمده عشر دقائق ونضع ملعقتين الزيت في أثناء العجن ونعجن جيدا ثم تغطي وتترك تتخمر وتتضاعف في مكان دافئ
- ونحضر مكونات الشربات بوضع كل مكوناته علي بعض ويرفع علي النار ولما يغلي نهدي عليه النار تماما ثم يترك لما يتقل ونختبره نطفئ عليه النار ونتركه يبرد
- بالنسبه للزلابيه بعد ما العجينه اتخمرت تضربها نهبطها ونخرج منها الهوا ثم يوضع جزء منها بكيس حلواني وتشكل في الزيت أما أن تشكل باليد
- ثم تقلي في زيت ساخن متوسط الحرارة ونهدي النار ونقلب علي طول وهنا هنسويها مرتين مره نطلعها وهي لونها فاتح والمره التانيه هنحمرها لما تاخد اللون الذهبي وتطلع تصفي كويس تنزل في الشربات
