حلويات شرقية بالصور والمقادير: وصفات خطوة بخطوة
الحلويات شرقية تلك الوصفات تمثل جزءًا من التراث الغني للحلويات شرقية بالصور والمقادير التي تجمع بين المذاق اللذيذ والجمال البصري. جربيها لتزيين مائدتك وإسعاد عائلتك.
 |
| حلويات شرقية بالصور والمقادير: وصفات خطوة بخطوة |
طريقة عمل الكنافة بالمهلبية مثل المحلات
المقادير
- نص كيلو كنافه
- كوب سمنه
الحشوه
- كوبين من لبن
- معلقتين كبار نشا
- رشه فانيليا
- معلقتين قشطه
الشربات
- تلات كوب سكر
- كوب وربع مياه
- رشه سكر
- وعصير ليمون
.webp "طريقة عمل الكنافة بالمهلبية مثل المحلات")
طريقه التحضير
اهم حاجه الكنافه تكون في الفريزر قبليها بيوم عشان نعرف نفركها كويس جدا في ناس بتضربها بالهاند بلندر او في الكبه انا بفركها بأيدي طالما هي ساقعه متلجه السمنه هندفيها ما تكونش سخنه ولا تكون جامده ونفرك بيها الكنافه كويس جدا نشربها الكنافه بالسمنه ونحط معلقتين سكر بودره هنجيب صينيه مقاس 28 هندهنها سمنه كويس جدا وهنحط نص نص الكنافه ونكبسها كويس جدا جدا بايدينا او بكوبايه اهم حاجه كبسه الكنافه كبست الكنافه كويس بايديكي بالسمنه وكله تمام هتطلع معاكي مظبوطه بالمسطره الحشوه هنحط على النار اللبن مع السكر والنشا هنقلبهم على البارد وهنحطها على النار هنعمل مهلبيه يعني هنصب المهلبيه وهي سخنه على الكنافه الطبقه الثانيه من الكنافه مش هنحطها على طول دي التكه الثانيه هنخلي المهلبيه او القشطه الكدابه اللي احنا عاملينها تبرد خالص تعمل طبقه اللي هي الطبقه اللي هي بردت بعد كده نحط بقيه الكنافه اللي احنا سبناها ونجبسها برده بالراحه بس هنحطها في الفرن تاخد من نص ساعه او ربع ساعه على حسب فرنك في تكه تانيه ممكن نقلب الكنافه بس دي محتاجه حد محترف كويس عشان القشطه ما تبوظش منك الشربات بيكون بارد ما بيكونش سخن وبالف هنا وشفا.طريقة عمل الشكلمة مكتوبه
المقادير
- كوبايه ونص جوز هند مبشور
- نص كوباية سكر
- 2 ملعقة كبيرة دقيق
- 2 بياض بيض
- نص ملعقة صغيرة فانيليا
طريقة التحضير
- سخنى الفرن على 165 درجة
- اخلطى السكر مع جوز الهند والدقيق
- حطى بياض البيض والفانيليا وقلبى بملعقة
- حطى نصف ملعقة كبيرة من الدقيق في صينية مفروشة بورق الخبز
- دخلي الصينية الفرن لمدة تلت ساعة أو لغاية لما تحمر
- وبعدين سيبيها تهدا دقيقتين وبعدين ارفعيها من الصينية وسيبيها تبرد . وبالهنا
طريقة عمل المدلعة مكتوبة
المقادير
- ربع كيلو دقيق سميد
- ربع كيلو كنافه
- ربع كيلو كريم شانتيه
- كوب سمن بلدي
- نصف كوب قشطه
- 3 معالق لبن بودره
- معلقتين كبار عسل كلوجوز
- كوب لبن
- معلقتين جوز هند
الشربات
- كوبين سكر
- كوبين ماء
- فانيليا
- ليمونه
صوص الكراميل
- كوب سكر
- كوب ماء
- 200 جرام شيكولاته بيضاء
- معلقتين نشا على3 معالق ماء
.webp "طريقة عمل المدلعة مكتوبة")
طريقه التحضير
- اولا هنعمل البسبوسه نضيف دقيق السميد وعليه جوز الهند ولبن البودره والسمن ونقلهم مع بعض وبعدين اللبن يكون دافئ ندوب العسل فيه ونضيفه على البسبوسه وندهن الصنيه بالسمن او الزبده ونضيف دقيق السميد وندخلها الفرن
- تانى خطوه الكنافه مفرزه فى الفريز قبلها بيوم نقطعها صغير جدا ونضيف عليها السمنه وتدهن الصنيه ونضيف الكنافه فيها وندخلها الفرن
- تالت خطوه الكريم شانتيه ضفت الكريم شانتيه وعليه نصف كوب ماء مثلج ونضيف القشطه مع الضرب بالمضرب لحد ما القوام يكون كريمى لما تحتاج ماء هضيف ليها
صوص الكراميل
- هضيف السكر على النار يتكرمل لحد اللون الذهبى وهضيف كوب ماء عليها تأخذ غلوه وهضيف الشكولاته البيضاء لحد ما تذوب مع الكراميل وبعدين معلقتين نشا متذوبين فى 3 معالق ماء
- في صينية يتم عمل طبقات المتدلعة
- الكنافة ثم طبقة الكريم شانتيه ثم البسبوسة ثم الكراميل
نصائح لتحضير الحلويات الشرقية
- احرصي على أن تكون الشيرة باردة عند إضافتها إلى الحلويات الساخنة لتجنب ترطيبها الزائد.
- استخدمي الزبدة الطبيعية لتحسين النكهة.
- اختاري مكسرات طازجة للحصول على طعم غني ومميز
