أنواع الحلويات الشرقية وطريقة عملها: وصفات سهلة وبسيطة للمبتدئين والمحترفين
أنواع الحلويات الشرقية وطريقة عملها تعدّ من أهم رموز الثقافة والتقاليد في العالم العربي والشرقي، فهي مرتبطة بالمناسبات السعيدة والأعياد، وتمثل تراثاً غنياً متنوعاً يعكس عادات الشعوب وذوقها. تتميز هذه الحلويات بالمكونات البسيطة مثل الدقيق، السكر، المكسرات، والقشطة، ولكنها تقدم بطعم فاخر.
 |
| أنواع الحلويات الشرقية وطريقة عملها: وصفات سهلة وبسيطة للمبتدئين والمحترفين |
طريقة عمل رموش الست مثل المحلات
المقادير
- نصف كوب سميد.
- كوب و ربع دقيق.
- نصف كوب زبدة.
- معلقتين كبار سكر مطحون.
- معلقتين كبار جوز هند ناعم.
- بيضة.
- نصف معلقة صغيرة فانيليا.
- نصف معلقة صغيرة بكينج باودر.
- معلقة كبيرة حليب.
طريقة التحضير
- في طبق نحط الزبدة على السكر البودره ونضربهم كويس بمضرب يدوي لحد ما السكر يدوب خالص وبعدين نضيف البيضة والفانيليا ومعلقة الحليب ونضرب كويس لحد ما البيضه تختفي.
- في طبق تاني ننخل الدقيق ونضيف معاه السميد وجوز الهند والبيكينج البودر و بعدين نضيفهم على خليط الزبدة و السكر البودرة و نحرك لحد ما العجينة تبقا متماسكة.
- نحط الخليط بدون عجن في كيس نضيف و ندخله التلاجة لمدة نصف ساعة.
- ناخد مقدار معلقة من العجينة و نكورها على شكل عين ونضغط عليها بالشوكة بالطول و العرض.
- وندهن الوجه بيض وحليب بالفرشاه.
- ندخلها فرن مسخن مسبقاً على درجة حرارة 150 لمدة 25 دقيقه لحد ما لونها يبقا ذهبي.
- نخرجها و نسقيها شربات خفيف ونصفيها ونزينها بالفستق المفروم أو جوز الهند.
طريقة عمل بلح الشام زي المحلات
تحضير الشربات
- 2 كوب سكر.
- 1 كوب ماء.
- عصير نص ليمونه.
- وتترك علي النار.
- الشربات يفضل يبقي تقيل وبارد قبل مانزل بلح الشام فيه.
.webp "طريقة عمل بلح الشام زي المحلات")
طريقة التحضير
- في حلة علي النار نضيف 2 كوب ماء 2 معلقة كبيره سكر ربع كوب زيت.
- علي النار لحد لم يخش في الغلي ننزل 2 كوب دقيق نطفي النار ونقلبهم في بعض ونترك العجين يبرد تماما.
- ننزل بيضه ورشه فانيليا ونعجن وننزل بيضه تانى ونعجن كمان بيضه ونعجن 3 بيضات يعنى على مراحل نجيب كيس حلواني يفضل قماش او كياس جامد ونستخدم القمع اللي بيشكل بلح الشام.
- وننزل في طاسه فيها زيت غزير زيت بارد ونبدأ نشكل بلح الشام بعد لم الطاسه تتملي نشغل علي نار وسط.
- لحد لم تاخد لون دهبي جميل.
طريقه عمل المشبك الدمياطي بطريقه سهله
المقادير
- 2 كوب دقيق
- 2 كوب ماء
- 2 معلقة كبيرة نشا أو بودرة كسترد
- ملعقه صغيره مملوءة خميره فوريه
- ربع ملعقه فانليا
- رشه ملح
- ممكن اضافه ملعقه ماء ورد
مقادير الشربات
- 3 كوب سكر
- كوب الاربع ماء
- نصف كوب عسل جلوكوز
.webp "طريقه عمل المشبك الدمياطي بطريقه سهله")
طريقة التحضير
- فى بوله هنضع الدقيق الفانيليا والخميرة ورشه الملح ونقلب جيدا
- ثم ننزل بالماء ويعجن جيدا لمده عشر دقائق ثم يغطي ويترك لمدة 30 دقيقة في مكان دافئ
- يحضر الشربات بوضع كل مكوناته علي بعض في وعاء ويهدي عليه النار اول مايغلي حوالي ٦ دقايق لما يتقل نطفي عليه ونتركه يهدي
- بعدها هطلعه واضربه جيدا واعبي الخليط في زجاجه او كيس حلواني وبشكل دواير في طاسه مقاسها صغير بها زيت ساخن ولما اشكله اهدي النار عليه ولما يتشمع انقل القرص في طاسه اكبر فيها زيت ساخن بس اهدي النار عليه لما يصفر وياخد اللون الذهبي اطلعه واصفيه واضعه فالشربات البارد ويكون هو ساخن
أسهل طريقة لعمل عجينة القطايف
المقادير
- 2 كوب دقيق.
- 1 ملعقة صغيرة خميرة.
- 1 ملعقة صغيرة سكر.
- 2 كوب ماء دافئ.
- حشوة حسب الرغبة (جوز، قشطة، مكسرات).
- زيت للقلي أو الزبدة للتحمير.
- شربات (قطر).
طريقة التحضير
- امزجي الدقيق، الخميرة، السكر والماء للحصول على عجينة سائلة.
- اتركي الخليط يختمر لمدة 30 دقيقة.
- سخني مقلاة غير لاصقة وصبي كمية صغيرة من العجينة لتشكيل دوائر.
- اطهيها من جهة واحدة فقط حتى تظهر فقاعات وتتماسك.
- احشي القطايف بالمكسرات أو القشطة وأغلقيها.
- اقليها أو حمّريها على النار، ثم غمسيها في الشربات قبل التقديم.
